Ushbu maqolada Germaniya Federativ Respublikasining jamoat xavfsizligini ta’minlash va hududlarda kriminogen vaziyatni barqarorlashtirish bo‘yicha amalga oshirib kelayotgan tizimli chora-tadbirlari tahlil qilinadi. Germaniya politsiyasi faoliyatidagi Preventive Policing, Bürgernahe Polizei (aholiga yaqin politsiya), jamoatchilik bilan hamkorlik, raqamli monitoring tizimlari va jinoyatchilikni prognozlash usullari kabi ilg‘or mexanizmlar o‘rganiladi. Shu bilan birga, mahalliy hududlarda kriminogen omillarni baholash, xavf xaritalarini yaratish, yoshlar va migrantlar bilan ishlash, profilaktik dasturlarni amalga oshirish tajribalari ochib beriladi. Maqolada Germaniya tajribasining samarali jihatlarini mahalliy sharoitga mos ravishda qo‘llash uchun amaliy takliflar ilgari suriladi

Mazkur maqolada XIX asrda Germaniya (Prussiya) va Usmonli imperiyasi o‘rtasidagi harbiy-tashkiliy hamkorlikning shakllanishi, rivojlanishi va mazmuni tahlil qilinadi. Usmonli davlatining harbiy islohotlarga ehtiyoji, Germaniyaning Sharqdagi geosiyosiy manfaatlari, shuningdek prussiyalik harbiy mutaxassislarning ta’lim va armiyani qayta tashkil etish jarayonidagi o‘rni yoritiladi. Tadqiqot shuni ko‘rsatadiki, Germaniya XIX asrda Usmonli armiyasining modernizatsiyasida asosiy tashqi hamkorlardan biriga aylangan va uning harbiy boshqaruv tizimi hamda strategik tayyorgarligiga sezilarli ta’sir ko‘rsatgan.

Ushbu maqolada Germaniya Respublikasining hunarmandchilik sohasini rivojlantirishdagi ilg‘or tajribasi o‘rganiladi. Jumladan, dual ta’lim tizimi, hunarmandlar palatalari faoliyati, davlat tomonidan ko‘rsatiladigan iqtisodiy rag‘batlantirish choralari va zamonaviy texnologiyalarning joriy etilishi ko‘rib chiqiladi. Maqolada, shuningdek, Germaniya tajribasini O‘zbekiston sharoitida qo‘llash bo‘yicha taklif va tavsiyalar beriladi.

Mazkur maqolada ayollar tomonidan sodir etiladigan jinoyatlarni oldini olish masalasi Germaniya Federativ Respublikasi tajribasi misolida ilmiy-nazariy va amaliy jihatdan tahlil qilingan. Tadqiqotda ayollar jinoyatchiligining gender xususiyatlari, uni keltirib chiqaruvchi ijtimoiy-iqtisodiy va psixologik omillar, shuningdek, ijtimoiy profilaktika va reabilitatsiyaga asoslangan xorijiy yondashuvlar o‘rganilgan. Germaniyada ayollar jinoyatchiligini oldini olishda ijtimoiy himoya, oilaviy zo‘ravonlikka qarshi kurashish, mehnat bozoriga integratsiya va davlat–jamoatchilik hamkorligi muhim o‘rin tutishi ilmiy manbalar va rasmiy statistik ma’lumotlar asosida asoslab berilgan. Shuningdek, maqolada xorijiy tajribani milliy amaliyotga tatbiq etish imkoniyatlari va ayollar jinoyatchiligini kamaytirishga qaratilgan ilmiy-amaliy xulosalar ilgari surilgan..

Sog‘in sigirlarning sut mahsuldorligi va uning xususiyati bilan bog‘liq bo‘lgan asosiy ko‘rsatkichlar hayvonlarning irsiy omili bilan bog‘liqdir. Bu ko‘rsatkichlar har bir zot bilan alohida olib boriladigan naslchilik ishi natijasida shakllanadi. Mazkur maqolada Daniya va Germaniya seleksiyasiga mansub golshtin zotli sigirlarning sut mahsuldoriligini belgilaydigan asosiy ko‘rsatkichlar va laktatsiya faoliyati to‘g‘risida ma’lumotlar keltirilgan. Tadqiqot natijalari bo‘yicha Germaniya seleksiyasiga mansub sigirlarning mahsuldorlik ko‘rsatkichlari yuqori bo‘lgan, shu jumladan: laktatsiya davomida sut sog‘imi 11,8%, sutdorlik koeffitsiyenti 6,7 %, 4% li sut miqdori 5,6%, umumiy sut yog‘i chiqimi 9,8 % va sut oqsili 10,6 %.

 Germaniya ta’minot zanjirlarining rivojlanishi va samaradorligi global miqyosda ahamiyatga ega. Germaniya iqtisodiyoti, xususan sanoat, avtomobilsozlik, texnologiya, energiya va logistika sohalaridagi yuqori samarali va kompleks ta’minot zanjirlari bilan tanilgan. Bu ta’minot zanjirlari yuqori sifatli va innovatsion mahsulotlar ishlab chiqarish, xom ashyo ta’minoti, qayta tiklanuvchi energiya manbalariga asoslangan strategiyalarni ishlab chiqish va global bozorda raqobatbardoshlikni ta’minlashga qaratilgan. Germaniya o‘zining barqaror va samarali ta’minot zanjirlari bilan dunyodagi yetakchi iqtisodiy tizimlardan biridir

Mazkur maqolada xorijiy mamlakatlarning hududiy iqtisodiyotni innovatsion yo‘l bilan rivojlantirish borasidagi ilg‘or tajribalari tahlil qilinadi. Germaniya, Xitoy, Janubiy Koreya va AQSh kabi davlatlar misolida klasterlashuv, texnoparklar, davlat–xususiy sheriklik va ilmiy-tadqiqot institutlari integratsiyasi kabi samarali mexanizmlar o‘rganiladi.

Mazkur ilmiy maqolada onlayn nizolarni hal qilishning huquqiy asoslari tahlil qilindi va AQSh, Fransiya, Germaniya, Buyuk Britaniya kabi davlatlarning tajribasini o‘rganadi. Onlayn nizolarni hal qilish tizimlari iste’molchi huquqlarini himoya qilishda va nizolarni tez va samarali hal qilishda muhim rol o‘ynaydi. Maqolada vositachilik va arbitraj usullari, texnologik innovatsiyalar hamda huquqiy asoslar yoritiladi. Bu tajriba boshqa davlatlar uchun qimmatli namuna bo‘lib xizmat qilishi mumkin.

Mazkur maqolada jahon dirijorlik maktablarining shakllanishi va tarixiy rivojlanish bosqichlariga qisqacha nazar tashlanadi. Dirijorlik san’atining Yevropa musiqa madaniyatida tutgan o‘rni, ayniqsa, Italiya, Germaniya, Rossiya va AQSh kabi mamlakatlardagi yirik dirijorlik maktablarining uslubiy xususiyatlari tahlil qilinadi. Shuningdek, mashhur dirijorlarning faoliyati va ularning professional tayyorgarlikdagi yondashuvlari muhokama qilinadi. Maqolada dirijorlik san’atining zamonaviy talablarga moslashuvi va global integratsiya jarayonlari doirasida kechayotgan o‘zgarishlar ham yoritilgan.

Maqolada jamoatchilik nazorati, uning shakllari va jamoatchilik nazorati sohasida rivojlangan davlatlar, ya’ni Germaniya va Fransiya davlatlari tajribasi misolida atroflicha tahlil qilingan.

Ushbu maqolada Finlandiya va Germaniya davlatlarining ijro etuvchi hokimiyatni tashkil etish amaliyoti, vakolatlar taqsimoti, hukumatning ichki tuzilishi hamda markazlashuv darajasi tahlil qilinadi. Xususan, Finlandiya konstitutsion respublika sifatida ijro hokimiyati vakolatlarini Prezident va Bosh vazir o‘rtasida taqsimlagani, uning nomarkazlashgan boshqaruv modeli, vazirliklar tizimi va Adliya kanslerining nazorat funksiyalari batafsil o‘rganiladi. Shuningdek, Germaniyada federativ boshqaruv, federal kansler instituti, vazirlarning avtonomiyasi, Kollegial javobgarlik prinsipi hamda “ijro etuvchi federalizm” tizimi ilmiy jihatdan tahlil etiladi.

Ushbu ishda Yevropa Ittifoqining elektron tijoratga oid asosiy direktivalari tahlil qilinib, Germaniya va Fransiya qonunchiligi bilan qiyosiy asosda o‘rganildi. “Consumer Rights”, “E-Commerce”, “Unfair Practices” va “Unfair Terms” direktivalari iste’molchilarni chalg‘ituvchi, bosim o‘tkazuvchi va adolatsiz amaliyotlardan huquqiy jihatdan himoya qilishga qaratilgan. Tahlil natijasida O‘zbekiston qonunchiligini takomillashtirish uchun masofaviy shartnomalarni huquqiy belgilash, 14 kunlik qaytarish huquqini joriy etish, axborot berish majburiyatini kuchaytirish va mustaqil nazorat organi tashkil etish bo‘yicha takliflar ilgari surilgan.

Ushbu maqolada dual ta'lim tizimi, uning maqsadlari, tarixi, rivojlanishi, xalqaro tajribasi, iqtisodiy ta’siri va kelajak istiqbollari haqida batafsil tahlil qilinadi. Maqolada dual ta’limning xalqaro tajribalari, xususan, Germaniya, Shveysariya va boshqa rivojlangan mamlakatlardagi muvaffaqiyatli amaliyotlari yoritilib, bu tizimning yoshlarni mehnat bozoriga tayyorlashdagi ahamiyati ko‘rsatilgan. Shuningdek, dual ta’lim tizimining iqtisodiy o‘sish va ish bilan ta’minlashdagi roli, mehnat bozoriga integratsiyalashuv jarayoni, kichik va o‘rta biznesni rivojlantirishdagi o‘rni tahlil qilingan. Maqolada shuningdek, dual ta’lim tizimini rivojlantirish yo‘llari, qonunchilik bazasini takomillashtirish, ishlab chiqarish korxonalari bilan hamkorlikni kuchaytirish va innovatsion texnologiyalarni tatbiq etish kabi masalalar ko‘rib chiqilgan. Maqola dual ta’lim tizimining kelajakdagi istiqbollari va uning global ta’lim tizimidagi o‘rnini baholashga xizmat qiladi.

Ushbu maqolada bola huquqlarining xalqaro genezisi va evolyutsiyasi tahlil etilgan. Unda bola huquqlariga oid eng qadimgi xalqaro huquqiy manbalar o‘rganilgan. Jumladan, qadimgi Rim, qadimgi Mesopotamiya, Angliya, qadimgi Fransiya, Germaniya, Buyuk Litviya knyazligi, qadimgi Xindiston, qadimgi Xitoy va Afrika kabi mamlakatlar hududida bola huquqlari tarixi tadqiq etilgan.

Mazkur maqolada Oʼzbekiston va Germaniya Federativ Respublikasi oʼrtasidagi oʼzaro savdo aloqalari tahlili keltirilgan. Maqolada xalqaro iqtisodiy munosabatlarning tahlili olib boriladigan eng ilgʼor saytlardagi maʼlumotlardan foydalanilgan hamda ular statistik tahlil qilingan. Oʼzbekistonning eksport geografiyasini kengaytirishda muhim qadamlar va amalga oshirilishi lozim boʼlgan vazifalar yoritilgan. Shuningdek, maqolada baʼzi bir matematik formulalar va hisob-kitoblar keltirilgan.

Ushbu maqolada jahon mamlakatlari, xususan Yevropa Ittifoqi, Fransiya, Germaniya, AQSh, Rossiya va boshqa davlatlarning demografik siyosat yuritish tajribasi tahlil qilinadi. Maqolada demografik jarayonlarni tartibga solish, ayniqsa tug‘ilish darajasini oshirish va oilalarni qo‘llab-quvvatlashga qaratilgan moliyaviy va institutsional choralar o‘rganiladi. O‘zbekiston sharoitida urbanizatsiya siyosatini shakllantirish, demografik jarayonlarni tartibga solish va xorij tajribasini amaliyotga tatbiq etish orqali samarali demografik siyosatni ishlab chiqishning dolzarbligi asoslab beriladi. Mamlakatimizda yangi islohotlar, demografik strategiyalar va ijtimoiy barqarorlikni ta’minlovchi siyosiy yo‘nalishlar ham yoritiladi. Maqolada, shuningdek, iqtisodiy va ijtimoiy barqarorlikni ta’minlashda demografik siyosatning o‘rni alohida ta’kidlanadi.

Germaniya, moliyaviy sávodxonlikni oshirishga yo'l qo'ygan bir nechta usullarni o'z ichiga olgan bir mamlakat hisoblanadi. Bu maqolada Germaniyaning moliyaviy savodxonlikni oshirish maqsadida foydalanadigan usullari haqida maʼlumotlar berilgan.

O’zbekiston Respublikasidagi qonun hujjatlari va ularning ijrosini ta’minlash jarayoni, shuningdek, davlatning qonun hujjatlari ustidan amalga oshiradigan nazorat tizimi tahlil qilingan. Davlat nazorati qonun hujjatlarining ijrosini ta’minlashda katta rol o’ynaydi, chunki samarali nazorat huquqiy tartibni mustahkamlashga yordam beradi va qonunlarni buzish holatlarini oldini oladi. Shuningdek, jahonning rivojlangan davlatlaridagi qonun hujjatlari ijrosini ta'minlashda qo’llaniladigan tajribalar keltirilgan. AQSH, Buyuk Britaniya, Germaniya va Kanadada qonun ijrosini nazorat qilish uchun samarali mexanizmlar, shu jumladan, parlament nazorati, mustaqil audit organlari, elektron nazorat tizimlari va boshqa texnologik vositalar mavjud. Ushbu maqolada qonun hujjatlari va uning ahamiyati, O’zbekiston qonun hujjatlarini ijrosini ta’minlash jarayoni, jahon miqyosida qonun hujjatlarini ta’minlash kabilar batafsil yoritilgan.

Maqola O‘zbekiston Respublikasida mahalla huquq-tartibot maskani (MHTM) doirasida profilaktika inspektorlarining boshqa davlat organlari bilan o‘zaro hamkorligining tashkiliy-huquqiy jihatlarini ilmiy tahlil qiladi. PQ-5050-son (2021) va PQ-1-son (2025) qarorlarining Nizom talqiniga asoslanib, hamkorlikning iyerarxiya va matritsa modellari, vakolatlar taqsimotidagi kolliziyalar, institutsional muvofiqlashtirish (hududiy xavfsizlik kengashlari, E-Mahalla Safety platformasi), differensial javobgarlik tizimi va xorijiy tajriba (Germaniya, Turkiya, Singapur) adaptatsiyasi ko‘rib chiqiladi.

Raqamli ta’lim tizimi, global ta’limning zamonaviy talablari asosida, informatika fanini o‘qitishni yangicha yondashuvlar bilan rivojlantirishga qaratilgan. Maqolada informatika fanini o‘qitishda mavjud bo‘lgan me’yoriy hujjatlar, shu jumladan, davlat ta’lim standartlari, o‘quv dasturlari, metodik qo‘llanmalar va xalqaro tajribalarga asoslanib, ularning ta’lim jarayonidagi ahamiyati tahlil qilinadi. Davlat ta’lim standartlari va o‘quv dasturlari informatika fanining samarali o‘qitilishining asosini tashkil etadi, bu esa o‘quvchilarning raqamli savodxonligini oshirish, ularni informatika faniga bo‘lgan qiziqishini kuchaytirish va ularda zamonaviy texnologiyalarni o‘zlashtirishga yordam beradi. Xalqaro tajribalar, masalan, AQSH, Buyuk Britaniya, Germaniya, Singapur va Finlyandiya kabi davlatlarning ta’lim tizimlaridagi informatika o‘qitishning me’yoriy hujjatlari, O‘zbekistonda informatika fanini o‘qitish jarayonini yanada rivojlantirish uchun muhim yo‘nalishlar hisoblanadi. Maqolada shuningdek, raqamli ta’lim platformalari va masofaviy o‘qitishning ahamiyati, o‘quvchilarning bilim va ko‘nikmalarini mustahkamlashdagi roli ham yoritiladi. Raqamli ta’lim tizimida informatika fanini o‘qitishning me’yoriy hujjatlari ta’lim tizimining sifatini oshirish va o‘quvchilarga zamonaviy texnologiyalarni o‘rgatishda muhim vosita hisoblanadi.

Maqolada Germaniya, Fransiya, SHvetsariya, Yaponiya, Koreya kabi ilg`or xorijiy ta`lim tizimi tuzilmasi, tajribasi va zamonaviy ta`lim dasturlari qisqacha tahlil qilingan. SHuningdek O`zbekistonning uzluksiz ta`lim tizimi ham yoritib o`tilgan

Mazkur maqolada xorijiy davlatlarning yer resurslaridan foydalanish bo‘yicha ilg‘or tajribalari tahlil qilinadi va ularning dehqon xo‘jaliklari samaradorligiga ta’sirini aniqlashga harakat qilinadi. Xususan, Germaniya, AQSH, Yaponiya, Janubiy Koreya, Turkiya va Xitoy kabi mamlakatlar tajribasida yerga egalik, kooperatsiya, raqamli monitoring, ekologik boshqaruv va subsidiyalash tizimlarining dehqonlar faoliyatiga qanday ijobiy ta’sir ko‘rsatgani ko‘rib chiqiladi. Shuningdek, ushbu mexanizmlarni O‘zbekiston sharoitiga moslashtirish imkoniyatlari ilmiy asosda tahlil etiladi.

Xalqaro tajribalarini sinchkovlik va qunt bilan o‘rganish ta’lim tarbiyada qotib qolgan, o‘z dolzarbligini yo‘qotib borayotgan ish shakllari, uslublaridan xalos bo‘lish bilan birga, uni munosib tarzda yangilashda qo‘shimcha boy manbalarga ega bo‘lishning asosidir. Davlatimiz rahbari mamlakatda kadrlar muammosi mavjudligini barcha sohalarga islohotlar sur’atiga mos zamonaviy tizim va kadrlar zarurligini ta’kidlagan bir paytda butun ta’lim tizimini takomillashtirish xalqaro tajribalarni o‘rganishdan boshlanadi. Maktabgacha va umumiy o‘rta ta’lim sifatini ilg‘or xalqaro tajriba va zamon talablari asosida shakllantirish muhim ahamiyat kasb etadi.

Ushbu maqola O‘zbekiston Respublikasida xalqaro xususiy huquqni kodifikatsiyalashni takomillashtirish masalalariga bag‘ishlangan bo‘lib, unda mazkur yo‘nalishning nazariy va amaliy jihatlari chuqur tahlil qilingan. Xususan, muallif xalqaro xususiy huquq normalarining milliy huquq tizimidagi o‘rni, ularning fuqarolik, oila va mehnat qonunchiligi bilan o‘zaro uyg‘unlashuv darajasini tahlil etadi. Tadqiqot davomida milliy qonun hujjatlaridagi kollizion normalarning yetarli darajada tizimlashtirilmaganligi va turli soha qonunlari orasida yagona huquqiy mexanizmning mavjud emasligi muhim muammo sifatida ko‘rsatib o‘tilgan. Maqolada xorijiy davlatlar, xususan, Germaniya, Rossiya Federatsiyasi va Fransiya tajribasi o‘rganilib, ularning xalqaro xususiy huquqni kodifikatsiyalash borasidagi yondashuvlari tahlil qilingan. Shu asosda O‘zbekiston uchun mos bo‘lgan huquqiy model ishlab chiqish zarurligi asoslab berilgan. Muallif xalqaro xususiy huquqning umumiy qismini yaratish, unda “avtonomiya irodasi” (party autonomy), “ordre public” va “lex loci contractus” kabi asosiy tamoyillarni mustahkamlashni taklif etadi.

Lotin tili — hind-yevropa tillari oilasining italiy tillari guruhiga mansub; Italiyaning oʻrta qismidagi Latsiy viloyatida miloddan avvalgi 8-asrda yashagan lotin qabilasining tili. Lotin tilining asta-sekin Rim hududidan tashqariga tarqalishi va qadimgi Italiyaning boshqa tillarini siqib chiqarishi miloddan avvalgi 4—3-asrlarga toʻgʻri keladi. Apennin yarim orolning lotinlashuvi (yunon tili hukmron boʻlgan Janubiy Italiya va Sitsiliya bundan mustasno) miloddan avvalgi 1-asrda yakunlanadi. Rim imperiyasining gullab-yashnashi, yangi-yangi mustamlakalarning bosib olinishi natijasida Lotin tili Shimoliy Afrika, Ispaniya, Galliya, Germaniya, Dunayboʻyi hududlariga tarqaladi. Lotin tilidagi eng qadimgi yodgorliklar miloddan avvalgi 3-asrga mansub.