Ushbu maqolada milliy musiqa merosi asosida oʻquvchilarda milliy ong va milliy identitetni rivojlantirishning ilmiy-nazariy asoslari tahlil qilinadi. Milliy ong tushunchasining pedagogik va falsafiy talqini yoritilib, musiqa ta’limining ma’naviy-tarbiyaviy imkoniyatlari asoslab beriladi. Tadqiqotda milliy musiqa namunalarining shaxs ongiga ta’sir mexanizmlari ochib beriladi. Shuningdek, globallashuv sharoitida milliy identitetni mustahkamlashda musiqa ta’limining o‘rni ko‘rsatib o‘tiladi. Maqolada tarixiy, qiyosiy-tahliliy va pedagogik kuzatuv metodlaridan foydalanilgan. Natijalar milliy musiqa merosi o‘quvchilarda milliy o‘zlikni anglash, ma’naviy qadriyatlarga hurmat va estetik didni shakllantirishga xizmat qilishini ko‘rsatadi. Tadqiqot yakunida milliy musiqa asosida ta’lim jarayonini takomillashtirish bo‘yicha tavsiyalar ishlab chiqilgan.

Ushbu maqolada umumta’lim maktablarida musiqa ta’limi jarayonida milliy ruhni shakllantirishning konseptual modeli tahlil qilinadi. Tadqiqot davomida xalq musiqasi, maqom san’ati, folklor san’ati va an’anaviy ijrochilik asosida o‘quvchilarda estetik tarbiya, musiqiy tafakkur va ma’naviy tarbiya shakllantirishning didaktik imkoniyatlari o‘rganildi. Konseptual model pedagogik texnologiyalar, ustoz-shogird an’anasi, ijodiy faoliyat va jamoaviy ijro metodlariga asoslanib, o‘quvchilarda milliy qadriyatlarga hurmat, vatanparvarlik tarbiyasi va milliy o‘zlikni anglash tuyg‘ularini rivojlantirishga qaratilgan. Shu bilan birga, musiqiy did, ijrochilik mahorati va sahna madaniyati ham konseptual model orqali mustahkamlanadi. Tadqiqot natijalari shuni ko‘rsatadiki, konseptual model asosida olib borilgan darslar musiqa ta’limining samaradorligini oshiradi va yosh avlodni ma’naviy barkamol, estetik didi rivojlangan va milliy qadriyatlarga sodiq shaxs sifatida tarbiyalashga xizmat qiladi.

Ushbu maqolada o‘zbek milliy maqom ijrochilik san’atining rivojlanish bosqichlari haqida fikr yuritilgan. O‘zbek xalqining mumtoz musiqa merosi azaldan xalq orasida qadrlanib kelingan. Shu sababli bizning milliy musiqa merosimizni jahonga yuz tutishida, mumtoz musiqa, milliy qo‘shiqchiligimizning va umuman olganda madaniyatimizning o‘ziga xos o‘rni mavjud. Musiqa san’atimizning buyukligi, avvalo ijodiyot, milliy an’analarimizning amaliy mahsulidadir.

San’atkorning milliy musiqa madaniyatiga qo‘shgan hissasi, ta’siri yoritiladi. Tadqiqot Zokirov ijodining san’atshunoslikda tutgan o‘rnini belgilashga qaratilgan.

Mazkur tezisda o‘zbek xalq cholg‘u asboblari ijrochilik tarixini san’at maktablarining xalq cholg‘u asboblari bo‘limida o‘rganish masalasi tahlil etiladi. O‘zbek milliy cholg‘ularining shakllanishi, rivojlanish bosqichlari va ularning ta’lim jarayonidagi o‘rni ilmiy-nazariy jihatdan asoslanadi. Shuningdek, san’at maktablarida xalq cholg‘ularini o‘qitish metodikasi, pedagogik yondashuvlar va ijrochilik an’analari bo‘yicha ilg‘or tajribalar yoritiladi. Tezisda milliy musiqa merosini saqlab qolish va yosh avlodga yetkazishning ahamiyati hamda zamonaviy ta’lim texnologiyalaridan foydalanish istiqbollari ko‘rib chiqiladi.