Ushbu maqolada sun’iy intellekt texnologiyalari asosida maktab o‘quvchilariga polimer va kompozit materiallar haqida bilim berishda zamonaviy interfaol usullardan foydalanishning samaradorligi yoritilgan. Tadqiqotda suniy intellekt platformalari, raqamli simulyatsiyalar, virtual laboratoriya muhiti, “VR” Vertual reallik modellar va adaptiv ta’lim tizimlaridan foydalanishning o‘quv jarayoniga ta’siri chuqur tahlil qilinadi. Shuningdek, sun’iy intellekt yordamida o‘quvchilarning individual qobiliyatlarini aniqlash, differensial yondashuvni shakllantirish va fanga bo‘lgan qiziqishni oshirish imkoniyatlari ilmiy asosda ko‘rib chiqiladi. Maqola natijalari maktab texnologiya fanini modernizatsiya qilish, STEAM yondashuvini kuchaytirish hamda o‘quv jarayonini raqamlashtirish borasida amaliy ahamiyatga ega..

Ushbu maqolada polimer va kompozit materiallarning ilmiy-nazariy mohiyati, kelib chiqishi, turlari hamda fizik-kimyoviy xususiyatlari o‘rganiladi. Maqolada polimerlarning tabiiy va sun’iy manbalari, kompozit materiallarning tarkibi va ularning sanoat va kundalik hayotdagi qo‘llanilishi haqida ilmiy izoh berilgan. Shuningdek, polimer va kompozit materiallarning fizik-kimyoviy xususiyatlari, ularni sinovdan o‘tkazish metodlari va turli sohalarda qo‘llanilish imkoniyatlari batafsil tahlil qilingan. Tadqiqot natijalari polimer va kompozit materiallar bilan ishlash jarayonida ularning samaradorligini oshirish va yangi texnologiyalarni ishlab chiqishda ilmiy asos bo‘lib xizmat qiladi.

Ushbu maqolada polimerlar, polimer maxsulotlar, polimerlarning olinishi, polimerlarning tabiatga va atrof muhitga tasiri, polimerlarning xossalari, kimyoviy tuzilishi, polimer xolatlar, polimer mahsulotlarning deformatsiyaga, temperaturaga bog`liqligi haqida so'z boradi.

Mazkur maqolada polimer materiallarning elektr-texnika sanoatidagi ahamiyati, ularning kimyoviy tuzilishi, xossalari va qo‘llanilish yo‘nalishlari yoritilgan. Shu bilan birga elektr izolyatsiyasi, kabellar, mikroelektronika, dielektrik qurilmalar va kompozit materiallar ishlab chiqarishda polimerlarning tutgan o‘rni ilmiy jihatdan ko‘rib chiqiladi.

Maqolada temirbeton konstruksyalarini kuchaytirishda ishlatiladigan uglerod tolali kompozit polimer materiallar tahlil qilingan. Uglerod tolasidan foydalanish xususiyatlari. Texnik xususiyatlari va qurilishda qo’llanilishining afzalliklari berilgan.

Maqolada chaqiq tosh-mastikali asfaltbeton va polimer chaqiq tosh-mastikali asfaltbeton qorishmasi tarkibida qo’llaniladigan materiallar tavsifi yoritilgan. Qorishma tarkibida qo’llaniladigan chaqiq tosh, qum, mineral kukun, bitum, barqarorlashtiruvchi qo’shimcha va sirt faol moddalarning fizik-mexanik xossalari va texnik talablari keltirilgan.

Tabiiy va sun’iy kompozitsion materiallar bo‘lib, ularga to‘ldiruvchi  komponent qo‘shib kompozitsion materialning barqarorligini oshiriladi. Kukunsimon  kompozitsion materialdan porshen, shatun, klapanli prujina tarelkalari tayyorlashda keng qo‘llaniladi. Kukunsimon kompozitsion material (SAP) deformatsiya, kesish, payvandlash, korroziya va qizdirishga chidamliligi bilan ajralib turadi. Zamonaviy qurilmalarda metallardan tayyorlangan tolalardan jadallashtiruvchi komponent sifatida foydalanish ko‘zda tutilgan. Qo‘shilgan tola yoki ipchalar bilan konstruksion materialga ishlov berish matritsani har qanday bosimga bardosh berish qobiliyatini oshirish imkonini beradi.

Mazkur maqolada elektr o‘tkazuvchanligi turlicha bo‘lgan to‘ldiruvchilar (uglerodli, metallik va keramika asosli zarralar) bilan mustahkamlangan polimer kompozit materiallarning issiqlik o‘tkazuvchanligi, issiqlik sig‘imi hamda termal barqarorligi o‘rganilgan. Kompozitlarda to‘ldiruvchi turi va hajmiy ulushi issiqlik xususiyatlariga qanday ta’sir etishi eksperimental va nazariy tahlillar asosida bayon qilingan. Bunday materiallar elektrotexnika, aviatsiya, qurilish hamda mikroelektronika sohalarida qo‘llanilish imkoniyatlari nuqtayi nazaridan tahlil qilinadi.

Ma’lumki, sanoat oqava suvlari va yuqumli kasalliklar muassasalarining chiqindi suvlarida atrof-muhitga katta zarar yetkazadigan zaharli moddalar bo’lishi mumkin. Ba’zi hollarda asosiy ifloslantiruvchi moddalar og’ir metallar ionlari va xavfli kasalliklarni keltirib chiqaradigan mikroorganizmlardir. Shuning uchun suv ta’minoti manbalarini tozalash va zararsizlantirishning yuqori samarali vositalarini izlash va ishlab chiqish kimyo va kimyoviy texnalogiyaning vazifasidir. Adabiyotlardan ma’lumki, yodning donador polimerlar bilan polimer komplekslari bakteritsid moddalar sifatida keng qo’llaniladi. Molekulyar yod bilan suv o’zaro ta’sirlashganda yod ionlarini chiqarishga qodir bo’lgan poliyodid komplekslarini hosil qiluvchi tolali ion almashinadigan materiallar sintez qilingan. Bunday materiallar nafaqat ichimlik suvi manbalarini zararsizlantirish balki, qandli diabet kasalliklarini davolash uchun yordam beradi.

Ushbu maqolada yuqori samarali o‘simlik tolasi asosida tayyorlanadigan kompozit materiallarni loyihalashga doir ilmiy-nazariy va amaliy jihatlar yoritilgan. Tadqiqotda ekologik toza, qayta tiklanadigan va iqtisodiy jihatdan samarali bo‘lgan tabiiy o‘simlik tolalarining (masalan, zig‘ir, kenaf, kokos va boshqalar) polimer matritsali kompozitlardagi roli tahlil qilinadi. Loyihalash jarayonida tolalarning mexanik xossalari, ularning matritsa bilan o‘zaro ta’siri, aralashma tarkibi va strukturasi kabi omillar hisobga olinadi. Shuningdek, maqolada tabiiy tolali kompozitlarning afzalliklari, ularni sanoat sohalarida qo‘llash imkoniyatlari va ularning atrof-muhitga ta’siri haqida ma’lumotlar berilgan. Olingan natijalar asosida ekologik barqaror va yuqori samarali kompozit materiallarni yaratish bo‘yicha taklif va tavsiyalar ishlab chiqilgan.

Ushbu maqolada zamonaviy kompozitsion, lokbo‘yoq va rezina materiallarining kimyoviy tarkibi, ularning sanoatdagi ishlab chiqarish texnologiyasi, fizik-kimyoviy xususiyatlari va amaliy qo‘llanilishi tahlil qilinadi. Maqolada ushbu materiallarning afzalliklari, ishlab chiqarish jarayonida energiya tejamkorlik va ekologik xavfsizlik tamoyillarini qo‘llash masalalari yoritilgan. Shuningdek, polimer kimyosi yutuqlarining sanoat texnologiyalarida tutgan o‘rni va istiqbollari ham ko‘rib chiqiladi.

Nanokompozitli qattiq ion o'tkazgich Zr yoki Ti metallini elektrokimyoviy anodlash yo'li bilan ishlab chiqarilgan sirkoniya yoki titaniya nanotrubka massivlarini proton o'tkazuvchi Polianilin (PANI) ionomeri  bilan infiltratsiya qilish orqali tayyorlangan. Olingan material skanerlash elektron mikroskopiyasi, rentgen nurlari diffraksiyasi va infraqizil spektroskopiya yordamida nanotrubkalar matritsaning ionomer bilan muvaffaqiyatli to'ldirilganligini ko'rsatib tavsiflangan. Empedans spektroskopiyasi infiltratsiyadan so'ng o'tkazuvchanlikning bir necha darajaga ko'payishini aniqladi; bundan tashqari, TiO2 ning empedansi PANI nanokompoziti nisbiy namlikka juda sezgir. Ushbu ion o'tkazuvchan nanokompozitlarning mumkin bo'lgan qo'llanilishi qattiq holatdagi namlik sensorlari yoki heterojen katalitik materiallarni o'z ichiga oladi.

To‘yinmagan poliefirlar termoreaktiv polimerlar turiga kirib, ko‘p atomli spirtlar va dikarbon kislotalar va ularning angidridi asosida polikondensatlanish reaksiyalari orqali olinadi. Ularning katta qismi qurilish, kemasozlik, kimyo va mebel sanoatida turli umummaqsadli, konstruksion buyumlar va materiallar ishlab chiqarish uchun qo‘llaniladi.

Plastmassalar organik molekulalarning polimerlaridir. Plastik materiallar yigiruv, qoliplash, ekstruziya yoki quyish kabi turli xil jarayonlar yordamida turli shakllarda eritilishi mumkin. Plastmassalar arzon, engil, mustahkam, chidamli, korroziyaga chidamli, yuqori issiqlik va elektr izolyatsiyasi xususiyatlariga ega.

Organik yarimo‘tkazgichlar zamonaviy elektronika va optoelektronika sohasida jadal rivojlanayotgan, ilm-fan va texnologiyaning muhim yo‘nalishlaridan biri hisoblanadi. Ular uglerod asosidagi molekulalar yoki polimerlardan tashkil topgan bo‘lib, elektr zaryadlarini tashish xususiyatiga ega organik birikmalardan iboratdir. An’anaviy noorganik yarimo‘tkazgichlarga (kremniy, germaniy) nisbatan organik yarimo‘tkazgichlar egiluvchanligi, yengilligi, past haroratda tayyorlanishi va nisbatan arzonligi bilan ajralib turadi.