Ushbu maqola diskret matematika va matematik mantiqning tarixiy evolyutsiyasi, ularning asosiy tushunchalari va rivojlanish bosqichlarini atroflicha tahlil qilishga bag‘ishlanadi. Tadqiqotning asosiy maqsadi ushbu fanlarning paydo bo‘lishidan boshlab zamonaviy davrgacha bo‘lgan rivojlanish traektoriyasini ko‘rib chiqish, shuningdek, ularning falsafa, tabiiy fanlar va axborot texnologiyalari bilan uzviy bog‘liqligini aniqlashdan iborat. Maqola bir nechta muhim bo‘limlarga bo‘lingan bo‘lib, har bir qism o‘ziga xos tarixiy va nazariy jihatlarni yoritadi.

Maqolada ingliz va o’zbek tillaridagi tarixiy va arxaik so’zlarni  kontrastiv tahlil  qilinadi.

Tezisda qadimgi dunyo tarixini o‘qitishda milliy darsliklar va xorijiy ochiq ta’lim resurslari (Open Educational Resources — OER)dan foydalanishning kontent hamda metodik jihatlari qiyosiy tahlil qilinadi. OER tushunchasi UNESCO tavsifiga ko‘ra ochiq litsenziya asosida bepul foydalanish, qayta ishlash, moslashtirish va tarqatishga ruxsat beruvchi o‘quv materiallarini anglatadi; bu yondashuv mazmunni lokallashtirish, tarjima qilish va o‘quvchi ehtiyojiga moslashtirish imkonini kengaytiradi. Milliy darsliklar esa o‘quv dasturi va ta’lim standartlariga muvofiqligi, til va madaniy kontekstning mosligi, mavzularning uzviy ketma-ketligi bilan ajralib turadi. Qiyos natijalari shuni ko‘rsatadiki, darsliklar “tayanch narrativ va bazaviy bilim”ni barqaror ta’minlaydi, OER esa manbalar xilma-xilligi, multimedia va interaktiv vazifalar orqali tarixiy tafakkurni faollashtiradi, biroq sifatni tekshirish, moslik va infratuzilma masalalarini talab etadi. Tadqiqot yakunida “darslik — skelet, OER — boyituvchi qatlam” tamoyili asosida integratsiyalashgan model taklif etiladi.

Insoniyat taraqqiyotiga, uning bosib otgan ijtimoiy tuzumiga nazar solar ekanmiz, shaxs taraqqiyoti ijtimoiy jamiyat bilan
uzviy bogliqligining guvohi bolamiz. Shaxsning makonda taraqqiyoti ijtimoiy munosabatlarning ozgarishi, rivojlanishi, tarixiy bosqichlar va davrlar bilan oz ifodasini topmoqda. Ushbu maqola pedagogika va psixologiya sohalaridagi innovatsiyalar taqiqiga bag`ishlanadi.

Ushbu maqolada qoraqalpoq ma’rifatparvari, S.Majitovning adabiy merosi tahlil qilinadi.Xususan, uning 1925-yili qoraqalpoq tilida tuzgan birinchi "Alifbe"sining ahamiyati haqida so‘z yuritiladi. "Alifbe"da berilgan xalq og‘zaki adabiyotining boy namunalari - maqol-matallar, ertaklar, tez aytishlar, bolalar o‘yinlaridan keng foydalanganligi ko‘rsatiladi. Alifbe ham qoraqalpoq xalqining kundalik turmush tarzida muhim o‘rin tutgan asbob-uskunalar haqida ma’lumotlar berilgan. S. Majitovning bu asari yosh avlodni ona tilida o‘qitish, milliy dunyoqarashni shakllantirish va xalq pedagogikasini ta’lim jarayoniga joriy etishdagi tarixiy ahamiyati ochib beriladi. Maqolada shuningdek S.Majitovning muzey fondida saqlanayotgan "Alifbe" kitobi, "o‘quv kitobi," eng birinchi  gazeta nusxasi va kitoblarining tarixiy va madaniy qimmati ochib beriladi

Insoniyat taraqqiyotiga, uning bosib o'tgan ijtimoiy tuzumiga nazar solar ekanmiz, shaxs taraqqiyoti ijtimoiy jamiyat bilan uzviy bog'liqligining guvohi bo'lamiz. Shaxsning makonda taraqqiyoti ijtimoiy munosabatlarning o'zgarishi, rivojlanishi, tarixiy bosqichlar va davrlar bilan o'z ifodasini topmoqda. Ushbu maqola pedagogika va psixologiya sohalaridagi innovatsiyalar taqiqiga bag`ishlanadi.

Ushbu maqolada tarix falsafasining muhim yo‘nalishlaridan biri bo‘lgan sivilizatsiya va madaniyat tushunchalari falsafiy jihatdan tahlil qilinadi. Insoniyat tarixining mazmuni, rivojlanish qonuniyatlari va tarixiy jarayonlarning ma’nosi tarix falsafasining asosiy masalalari hisoblanadi. Maqolada sivilizatsiya va madaniyat tushunchalarining kelib chiqishi, ularning o‘zaro aloqasi, farqli va mushtarak jihatlari yoritiladi. Shuningdek, Sharq va G‘arb mutafakkirlarining ushbu masalalarga oid qarashlari qiyosiy tahlil qilinadi. Zamonaviy globallashuv sharoitida madaniyat va sivilizatsiyaning o‘zaro ta’siri, milliy o‘zlikni saqlash muammolari ham muhokama etiladi. Maqola tarix falsafasi, ijtimoiy-falsafiy fanlar va madaniyatshunoslik bilan shug‘ullanuvchi tadqiqotchilar uchun mo‘ljallangan.

Ushbu tezisda XIX asr oxiri – XX asr boshida Rossiya imperiyasi tomonidan yaratilgan arxiv hujjatlari, rasmiy hisobotlar, etnografik kuzatuvlar, diplomatik yozishmalar va harbiy-ma’muriy ma’lumotlar asosida O‘rta Osiyo xonliklari tarixini qayta talqin etish masalalari yoritiladi. Imperiya tomonidan to‘plangan arxiv materiallarining mazmuni, ularning tarixiy haqiqatni tiklashdagi qiymati, metodlar, talqinlar, siyosiy kontekstlar va cheklovlar ilmiy yondashuv asosida tahlil qilinadi.

Ushbu kengaytirilgan ilmiy ishda “Sharq taronalari” xalqaro musiqa festivalining tashkil topish bosqichlari, ijtimoiy-madaniy omillar, xalqaro integratsiya jarayonlari, Sharq musiqiy merosining tiklanishi va O‘zbekistonning global madaniyatdagi o‘rni chuqur tahlil qilinadi. Festivalning nafaqat musiqiy, balki siyosiy, tarixiy va diplomatik jihatlari ham o‘rganiladi.

San’atkorning milliy musiqa madaniyatiga qo‘shgan hissasi, ta’siri yoritiladi. Tadqiqot Zokirov ijodining san’atshunoslikda tutgan o‘rnini belgilashga qaratilgan.

Ushbu maqola geometriyaning klassik Shteyner (Steiner), Paskal (Pascal) va Brianshon (Brianchon) teoremalarini o‘rganishga bag‘ishlangan bo‘lib, ularning maktab matematika ta’limiga murakkab, lekin samarali tarzda tadbiq qilish imkoniyatlarini keng ko‘lamda yoritadi. Bu teoremalar, o‘zining chuqur nazariy mazmuni va vizual-tahliyli xususiyatlari bilan, nafaqat oliy matematikaning poydevorini tashkil etadi, balki maktab o‘quvchilarining analitik fikrlash qobiliyatini rivojlantirishda ham muhim vosita sifatida xizmat qilishi mumkin. Maqolada ushbu teoremalarning tarixiy kelib chiqishi, geometrik mohiyati va zamonaviy ta’limdagi dolzarbligi sinchiklab tahlil qilinadi, shu bilan birga, ularni maktab dasturiga moslashtirish uchun innovatsion metodik yondashuvlar taklif etiladi.

Mazkur tadqiqotda tush ko‘rish jarayonida tilni qayta ishlashga mas’ul bo‘lgan neyrolingvistik mexanizmlar o‘rganiladi. Tarixiy va zamonaviy tadqiqotlar (fMRI, PET skanerlari) asosida Broka va Vernike sohalari hamda miyaning temporal bo‘lagi faoliyati tahlil qilinadi. Natijalar shuni ko‘rsatadiki, tush jarayonida til funksiyalari xotira mustahkamlanishi va hissiy jarayonlar bilan bog‘liq holda kechadi. Mazkur tadqiqot lingvistika va nevrologiya o‘rtasidagi bog‘liqlikni ochib berib, amaliy va nazariy jihatlarga e’tibor qaratadi.

Ushbu maqolada millatparvar yozuvchi, jadid adabiyoti namoyondasi Abdurauf Fitrat hayoti va ijodi haqida so'z yuritiladi.Fitrat dramaturgiyasining ilk namunasi "Abulfayzxon" dramasi keng tahlil qilinadi. Dramada qatnashuvchi obrazlarga umumiy izoh beriladi va ayni o'sha davrdagi tarixiy voqea-jarayonlar haqida tushuncha beriladi.

Mazkur maqolada XIX asr oxiri – XX asr boshlarida Turkiston o‘lkasiga amalga oshirilgan ko‘chirish siyosati va uning natijasida shakllangan ko‘chirilgan aholining milliy-etnik tarkibi tahlil qilinadi. Tadqiqotda Rossiya imperiyasining mustamlakachilik siyosati doirasida Turkistonga ko‘chirib keltirilgan aholi guruhlari, ularning etnik mansubligi, joylashtirish hududlari va mahalliy aholi bilan ijtimoiy-demografik munosabatlari tarixiy manbalar va statistik ma’lumotlar asosida yoritiladi.

Mazkur maqolada buyuk tarixiy shaxs Zahiriddin Muhammad Boburning shaxs sifatida shakllanishida bolalik davri va tarbiya omillarining o‘rni ilmiy jihatdan tahlil qilinadi. Boburning temuriylar sulolasiga mansub oilada tug‘ilib, erta yoshdan murakkab siyosiy muhitda voyaga yetgani, saroy tarbiyasi, ilmiy-ma’naviy tayyorgarligi uning dunyoqarashi va xarakteri rivojiga kuchli ta’sir ko‘rsatgani asoslab beriladi. Tadqiqotda “Boburnoma” asari asosiy manba sifatida tahlil qilinadi.

Maqolada turizm tushunchasi, uning iqtisodiy va siyosiy sohadagi o'rnining o‘ziga xos jihatlari ochib berilgan. Turizm sohasining rivojlanishiga ta’sir etuvchi omillar sanab o‘tilgan. O‘zbekistonda xalqaro turizmni rivojlantirish imkoniyatlari va istiqbollari tahlil qilingan.

Mazkur maqolada Buyuk Britaniya parlament tizimida yetakchi siyosiy partiyalar – Leyboristlar va Konservatorlar o‘rtasidagi raqobatbardoshlik masalasi tahlil qilinadi. Siyosiy partiyalarning parlament faoliyatidagi o‘ziga xos strategiyalari, ideologik asoslari, saylovoldi dasturlarining mazmuni va ularning ijtimoiy-siyosiy muhitga ta’siri ko‘rib chiqiladi. Shuningdek, maqolada partiyalar o‘rtasidagi murosasizliklar va hamkorlik jihatlari, shuningdek, ularning qonun ijodkorligi jarayoniga qo‘shgan hissasi ilmiy asosda tahlil etiladi. Leyboristlar va Konservatorlar partiyalarining tarixiy shakllanishi, ularning parlamentdagi pozitsiyasi va raqobatning barqaror demokratik rivojlanishga ta’siri ham muhim jihatlar sifatida ko‘rib chiqilgan. Tadqiqot natijalari Britaniya siyosiy tizimining raqobat tamoyillariga asoslanganligini va bu tizimning samaradorligini namoyon etadi.