Ushbu maqolada ilg‘or xorijiy tajribalar asosida malaka oshirish tizimini takomillashtirishning nazariy ahamiyati chuqur tahlil qilinadi. Tadqiqotda rivojlangan davlatlar ta’lim tizimida malaka oshirish va kasbiy rivojlanishni ta’minlashga qaratilgan zamonaviy konseptual yondashuvlar, jumladan, uzluksiz ta’lim, kompetensiyaviy model, reflektiv o‘rganish hamda natijaga yo‘naltirilgan tayyorlov mexanizmlarining nazariy asoslari o‘rganiladi. Xorijiy tajribalar tahlili orqali malaka oshirish tizimini modernizatsiya qilishda pedagogik innovatsiyalar, raqamli ta’lim platformalari va individual ta’lim trayektoriyalarining ilmiy-uslubiy ahamiyati asoslab beriladi. Maqolada, shuningdek, malaka oshirish tizimining nazariy jihatdan takomillashuvi kadrlar salohiyatini oshirish, ta’lim sifati va raqobatbardoshligini ta’minlashga xizmat qilishi ilmiy xulosalar asosida yoritiladi. Tadqiqot natijalari milliy malaka oshirish tizimini rivojlantirishda konseptual asos sifatida foydalanish imkonini beradi

Ushbu maqolada ilg‘or xorijiy tajribalar asosida malaka oshirish tizimini takomillashtirishning nazariy ahamiyati chuqur tahlil qilinadi. Tadqiqotda rivojlangan davlatlar ta’lim tizimida malaka oshirish va kasbiy rivojlanishni ta’minlashga qaratilgan zamonaviy konseptual yondashuvlar, jumladan, uzluksiz ta’lim, kompetensiyaviy model, reflektiv o‘rganish hamda natijaga yo‘naltirilgan tayyorlov mexanizmlarining nazariy asoslari o‘rganiladi. Xorijiy tajribalar tahlili orqali malaka oshirish tizimini modernizatsiya qilishda pedagogik innovatsiyalar, raqamli ta’lim platformalari va individual ta’lim trayektoriyalarining ilmiy-uslubiy ahamiyati asoslab beriladi. Maqolada, shuningdek, malaka oshirish tizimining nazariy jihatdan takomillashuvi kadrlar salohiyatini oshirish, ta’lim sifati va raqobatbardoshligini ta’minlashga xizmat qilishi ilmiy xulosalar asosida yoritiladi. Tadqiqot natijalari milliy malaka oshirish tizimini rivojlantirishda konseptual asos sifatida foydalanish imkonini beradi

Ushbu maqolada zamonaviy malaka oshirish tizimini takomillashtirish bo'yicha ilg'or xalqaro tajribalar va yondashuvlar tahlil qilingan. Scopus va Web of Science bazalaridan olingan tadqiqotlar asosida malaka oshirish dasturlarining yangi formatlarni, jumladan onlayn va aralash ta'lim, kasbiy o'rganish jamoalari, texnologiya integratsiyasi va shaxsga yo'naltirilgan yondashuvlarni qo'llash samaradorligi ko'rsatilgan. Maqolada o'qituvchilarning uzluksiz kasbiy rivojlanishi uchun zarur bo'lgan sharoitlar, to'siqlar va ularni bartaraf etish yo'llari muhokama qilinadi. Tadqiqot natijalari shuni ko'rsatadiki, samarali malaka oshirish tizimlari hamkorlikka asoslangan, amaliyotga yo'naltirilgan, moslashuvchan va doimiy qo'llab-quvvatlashni ta'minlagan bo'lishi kerak.

Mazkur maqolada muallif tomonidan advokatura sohasida amalga oshirilayotgan islohotlar va ularning natijasi mantiqiy izchillikda tahlil etiladi. Shu jumladan, mazkur islohotlar zamirida advokatlar malakasini oshirish tizimini takomillashtirish borasida davlat o‘z oldiga qo‘ygan vazifalar va ularning dolzarbligi yoritib beriladi. Bir qator olimlarning malaka oshirishning advokatlar professional faoliyatidagi ahamiyati xususidagi fikrlari tahlil qilinadi. Xorijiy davlatlarda advokatlar uchun malaka oshirishning majburiyati va ushbu mamlakatlarda o‘rnatilgan talablar qiyosiy tahlil qilinadi.

Malaka oshirish kurslari jahonning  ta'lim tizimida o'qituvchilarni har tomonlama tayyorlashni  maqsad qiladi. Kurslar o'qituvchilarga yangi pedagogik usullar, ta’lim texnologiyalari, o‘qitish strategiyalari va malaka oshirishda eng yangi yo‘nalishlarni o‘rganishga imkoniyat beradi. Ular o‘qituvchilarning ta'lim tizimlarini yangilash va o‘quvchilarni yangi ko‘nikmalar bilan ta'lim berishlari uchun zarur bo‘lgan tayyorgarlikka ega bo'lishlarini ta’minlaydi.

Zamonaviy ta’lim tizimida pedagog kadrlarning kasbiy kompetensiyasini oshirish jarayonida yozuv (writing) ko‘nikmalarini rivojlantirish muhim ahamiyat kasb etadi. Malaka oshirish kurslarida writing ko‘nikmalarini takomillashtirish o‘qituvchilarning akademik savodxonligi, kasbiy hujjatlar bilan ishlash malakasi hamda ilmiy-metodik faoliyatini rivojlantirishga xizmat qiladi. Mazkur maqolada malaka oshirish kurslarida writing ko‘nikmalarini rivojlantirishning zamonaviy tendensiyalari tahlil qilinadi. Xususan, jarayonga kompetensiyaviy yondashuv, raqamli texnologiyalardan foydalanish, jarayonli (process-oriented) yozuv modeli, reflektiv va kollaborativ yozuv usullarini joriy etish masalalari yoritiladi. Tadqiqot natijalari writing ko‘nikmalarini rivojlantirish pedagoglarning kasbiy o‘sishi va uzluksiz ta’limini ta’minlashda muhim omil ekanini ko‘rsatadi

Ushbu tadqiqot ishi onlayn o'qitish usullarini tahlil qilish va tadqiq qilishdan foydalangan holda malaka oshirish kurslari uchun ta'lim platformasini ishlab chiqishga qaratilgan. Tadqiqotning maqsadi onlayn ta'lim bilan bog'liq noyob ehtiyojlar va muammolarni hisobga olgan holda ilg'or o'quv dasturlarini yetkazib berishni yaxshilaydigan mustahkam platformani ishlab chiqish va amalga oshirishdir.

Ushbu maqolada shaxsning malaka va odatlari, ularning shakllanish bosqichlari, psixologik mexanizmlari hamda inson faoliyatidagi ahamiyati tahlil etiladi. Malaka va odatlarning o‘zaro farqi, mustahkamlovchi omillari, yosh davrlarida shakllanishi va ta‘lim jarayonidagi roli bo‘yicha ilmiy qarashlar keltiriladi. Tadqiqot psixologiya fani doirasidagi nazariy manbalarga asoslangan bo‘lib, amaliy misollar bilan boyitilgan

Umumiy o‘rta ta’limning malaka talablariga bilim, malaka, ko‘nikma hamda kompetensiyani kiritadigan bo‘lsak, Kompetensiyaning ko‘nikma va malakadan asosiy farqi shundan iboratki, ko‘nikmada o‘rganilgan bilimni tanish vaziyatlarda qo‘llay olish bo‘lsa, malaka o‘rganilgan bilim hamda ko‘nikmalarni notanish holatda qo‘llay olish qobiliyatini angladi. Kompetensiya esa bu ikki tushunchadan ham ustunlikka ega bo‘lib, u egallangan bilim, malaka, ko‘nikmalarni kundalik hayotda ham qo‘llay olish qobiliyatidir.

mazkur maqolada umumta'lim maktablari o'qituvchilari uchun mo'ljallangan malaka oshirish kurslarining asosiy mavzulari, maqsadlari va metodlari tahlil qilinadi. Ushbu ishda malaka oshirish dasturlarining o'qituvchilarning pedagogik mahoratlariga, o'quvchilarning ta'lim sifatiga va o'qituvchilarning kasbiy rivojlanish jarayoniga ta'siri qay darajada samarali ekanligi o'rganiladi.

Yoshlarda jismoniy harakat malaka va ko‘nikmalarini shakllantirishning bosqich va talablari nazariya va amaliyotdagi jarayonlar xaqida so‘z boradi.

Ushbu maqolada zamonaviy ommaviy axborot vositalarida ingliz tilining o‘rni, uning kasbiy malaka darajasi talablarining ahamiyati va amaliy ehtiyojlari tahlil qilinib,  ingliz tilini bilish darajasining professional rivojlanishdagi roli va media sohasida qo‘yiladigan standartlar yoritilgan. Media sohasi xodimlari uchun ingliz tilini mukammal bilish global axborot almashinuvini ta’minlash va xalqaro maydonda samarali faoliyat yuritish uchun zarur hisoblanadi. Shuningdek, media mutaxassislarining til bilimlarini oshirishga oid dolzarb vazifalar muhokama qilinadi.

Ushbu maqolada xalqaro media muhitida ingliz tilini bilish darajasiga qo‘yiladigan standartlar va amaliy ehtiyojlar tahlil qilinadi. Ingliz tili media sohasida xalqaro aloqa vositasi sifatida muhim ahamiyatga ega bo‘lib, malaka darajasi bilan bog‘liq talablar soha rivojida asosiy o‘rin tutadi. Maqolada til bilimining xalqaro media platformalarida samarali ishlatilishi, professional malaka standartlari va real ish ehtiyojlari muhokama qilinadi. Shuningdek, ingliz tilini bilish darajasini oshirish va zamonaviy media talablariga moslashish yo‘llari ko‘rib chiqiladi.

Ushbu maqolada O‘zbekiston ta’lim tizimida o‘rta maxsus, professional va oliy ta’lim bosqichlari o‘rtasida uzviylikni ta’minlaydigan innovatsion modelni shakllantirish zaruriyati yoritilgan. Unda modul va kredit tizimiga asoslangan o‘quv dasturlari, raqamli platformalar, malaka doiralari va xalqaro tajribaga asoslangan uzluksiz ta’lim yondashuvlari tahlil qilingan. Qo‘shimcha ravishda, real statistik ma’lumotlar, davlat dasturlari, xalqaro grantlar va milliy malaka doiralari doirasida amalga oshirilayotgan amaliy harakatlar yoritilgan.

Ushbu maqola boshlang`ich sinf o`quvchilarining ona tili darslarida egallashlari kerak bo`lgan bilim, ko`nikma, malaka va  kompetensiyalari haqida ma’lumotlar beradi. Shuningdek, o`quvchilarda shakllanishi lozim bo`lgan  kompetensiya tushunchasining mazmun mohiyati hamda uning bilimlarni o`zlashtirishidagi muhim roli haqida batafsil yoritilgan.

Oliy ta’limni bitiruvchi geograflarni zamonaviy o‘quv qurollaridan foydalanib, ilm-fan yutuqlari yordamida kasbiy kompetensiyalarini rivojlantirish imkoniyatlarini taqdim etadi. Zamonaviy oliy ta’lim tizimida axborot texnologiyalarining roli va ulushi doimiy ortib bormoqda. Bu axborot texnologiyalarini, statistik so‘rovnomalarni faol qo‘llagan holda o‘quv tizimlarini yaxshilashni taqozo etadi. Ta’limda ushbu jarayonni qo‘llash bo‘lajak geograflarni mehnat bozoriga kirib borishiga va o‘z o‘rnini topa olishiga imkon beradi.

Maktabgacha ta'lim tashkilotida (MTT) maktabgacha ta’lim tashkiloti direktori (menejer) uning samarali ishlashi va o’quv ishlarining samaradorligining asosiy bo’g’inidir. Ushbu maqolada MTT tashkilotida direktorning malaka tavsiflari batafsil yoritib berilgan.

Ushbu tezisda zamonaviy iqtisodiyotda innovatsion tadbirkorlikning ahamiyati va uning rivojlanishida inson kapitalining o‘rni yoritilgan. Inson kapitali — bilim, ko‘nikma, malaka va salohiyatlar majmui sifatida — innovatsion jarayonlarning asosiy harakatlantiruvchi kuchi hisoblanadi. Innovatsion tadbirkorlikning samarali faoliyat yuritishi uchun malakali, ijodkor, yangi g‘oyalar yaratishga qodir inson resurslarini shakllantirish muhim omildir. Tadqiqot davomida innovatsion muhitni rivojlantirish shartlari, inson kapitalini rivojlantirish mexanizmlari, ta’lim tizimining o‘rni, davlat siyosati va korxonalar amaliyoti tahlil qilingan. Natijada, innovatsion iqtisodiyotga o‘tish jarayonida inson kapitali strategik resurs sifatida baholanishi zarurligi asoslab berilgan.

O‘zbekiston Respublikasining 1996 yil 27 dekabr kuni qabul qilingan “Advokatura to‘g‘risida”gi Qonunida advokatura va uning vazifalari, O‘zbekiston Respublikasining advokatura to‘g’risidagi qonunchiligi, advokat tushunchasi, advokat maqomiga ega bo‘lish, advokatura faoliyatining prinsiplari va tashkiliy shakllari, advokatlar hay'ati, yuridik maslahatxona, advokatlik faoliyatining turlari, advokatning huquqlari, advokatning vazifalari, advokat so'rovi, advokatning yordamchisi, advokatning stajyori, advokat siri, yuridik yordam ko‘rsatish to‘g’risidagi bitim (shartnoma), advokatlik faoliyatining kafolatlari, advokatlar mehnatiga haq to‘lash, advokatning ijtimoiy huquqlari, Advokatlar palatasi, advokatlar palatasining asosiy vazifalari, advokatlar palatasining organlari va mansabdor shaxslari, advokatlar palatasining hududiy boshqarmalari, malaka komissiyalari, advokat maqomini to'xtatib turish, advokatning intizomiy javobgarligi, litsenziyaning amal qilishini to'xtatib turish, litsenziyaning amal qilishini tugatish, advokatura va O‘zbekiston Respublikasi Adliya vazirligi o‘rtasidagi huquqiy munosabatlar to‘g’risida belgilab qo‘yilgan.

Ushbu ilmiy maqolada ichki ishlar organlari xodimlarini jangovar va kasbiy tayyorlash tizimida zamonaviy yondashuvlarni joriy etishning tashkiliy-uslubiy asoslari, xorijiy tajriba va milliy amaliyot o‘rganilgan. Tadqiqot jarayonida AQSh, Islandiya, Finlyandiya va Niderlandiya politsiya tizimlarida qo‘llanilayotgan ilg‘or o‘quv modellar, xususan, biofidbek texnologiyasi hamda ICAT dasturining mazmuni va samaradorligi tahlil qilingan. Ilmiy maqolada ushbu yondashuvlarni O‘zbekiston ichki ishlar organlari kadrlar tayyorlash tizimiga tatbiq etish imkoniyatlari ko‘rib chiqilib, ularning psixofiziologik barqarorlikni, kommunikativ kompetensiyani hamda kasbiy yetuklikni oshirishdagi ahamiyati asoslab berilgan.

Ushbu maqolada mamlakatimizda xotin qizlarning moliyaviy savodxonligining iqtisodiy mazmuni, uning rivojlantirish masalalari to’g’risida so’z yuritilib, uning bugungi kunda mamlakat ijtimoiy-iqtisodiy taraqqiyotini ta’minlashda xotin qizlarning moliyaviy savodxonligini oshirish asosida o’quvchi yoshlarimizni yurtimizda iqtisodiyot, byudjet, moliya, bank va soliq tizimlarida ro’y berayotganiqtisodiy islohotlar bilan muntazam ravishda xabordor qilish asosida ularda nazariy va amaliy malaka hamda ko’nikmalarni shakllantirish orqali ushbu jarayonlarning tutgan o’rni va ahamiyati asoslangan.

Ushbu maqolada talabalarning o‘z-o‘zini rivojlantirishlari, fan-texnika yutuqlarini egallashga bo‘lgan ehtiyojlarini qondirish, ta’lim-tarbiya berish  jarayonida talabalarga insonparvar yondashuv zarurligi  bo‘yicha fikrlar keltirilgan.

Ushbu maqolada faoliyatni o‘zlashtirish va malakalarni egallash jarayoni pedagogik hamda psixologik nuqtai nazardan keng yoritilgan. Faoliyatning mazmuni, tarkibiy qismlari, uni bosqichma-bosqich o‘zlashtirish mexanizmlari hamda ko‘nikma va malakalarning shakllanishiga ta’sir etuvchi omillar tahlil qilingan. Shuningdek, o‘quv jarayonida malaka va ko‘nikmalarning ahamiyati, ularning rivojlanish jarayonida motivatsiya, takrorlash, mustaqil mashqlar va nazoratning o‘rni atroflicha ko‘rib chiqilgan. Maqola ta’lim jarayonida shaxsning har tomonlama rivojlanishini ta’minlashga qaratilgan nazariy hamda amaliy yondashuvlarni o‘z ichiga oladi.

Mazkur maqolada professional ta’lim tizimida o‘quvchilarning kasbiy kompetensiyalarini WorldSkills xalqaro standartlari asosida shakllantirishning dolzarbligi, afzalliklari va amaliy yondashuvlari yoritilgan. Xususan, zamonaviy o‘quv dasturlarining WorldSkills mezonlariga muvofiqlashtirilishi, o‘qituvchilarning malaka oshirish tizimi, innovatsion texnologiyalarning o‘quv jarayoniga tatbiqi va musobaqalarning o‘quvchilar kompetensiyalariga ta’siri tahlil qilingan.

Maqola Amerika Qo‘shma Shtatlarida politsiya organlarini kadrlar bilan ta’minlash faoliyatining ilmiy-nazariy jihatlariga bag‘ishlangan. Unda politsiya xodimlarini jalb qilish, saqlab qolish va motivatsiya qilish jarayonlari kompleks tizimlar nazariyasi va inson resurslarini boshqarish konsepsiyalari nuqtayi nazaridan tahlil qilinadi. Kadrlar tanqisligining ijtimoiy-iqtisodiy, psixologik va texnologik sabablari ko‘rib chiqilib, diversifikatsiya, malaka oshirish hamda innovatsion yondashuvlarning roli ta’kidlanadi. AQSH Adliya vazirligi, Federal tergov byurosi va ilmiy tadqiqotlar statistikasiga tayanib, hozirgi kadrlar inqirozining oqibatlari va uni bartaraf etish yo‘llari muhokama qilinadi. Maqola politsiya organlarining samaradorligini oshirishda ilmiy asoslangan strategiyalarning ahamiyatini ko‘rsatadi.