Ushbu maqolada Big Data texnologiyalarining fan va ta‟lim sohalarida, ayniqsa dasturlash fanida qo„llanilish imkoniyatlari tahlil qilinadi. Katta ma'lumotlardan foydalanish orqali ta‟lim jarayonlarining samaradorligini oshirish, shaxsga moslashtirilgan oqitish tizimlarini yaratish va ilmiy tadqiqotlarda yangi bilimlar ochilishi mumkinligi ko„rsatib beriladi. Shuningdek, maqolada Big Data
texnologiyalarining O„zbekistonda raqamli ta‟lim va fan taraqqiyotiga ta‟siri batafsil yoritilgan. Tajriba sinovlari orqali bu texnologiyalarning dasturlash fanida amaliy qo„llanilishi tahlil qilinib, moslashtirilgan yondashuvlar taklif etilgan

Ushbu maqolada huquqiy ong va huquqiy madaniyat tushunchalarining nazariy asoslari, ularning jamiyatdagi ahamiyati hamda xalqaro tajriba asosida shakllanish jarayonlari tahlil qilinadi. Tadqiqotning maqsadi — xalqaro miqyosda huquqiy madaniyatni rivojlantirish amaliyotlarini o‘rganish hamda O‘zbekiston sharoitida ushbu tajribalarni tatbiq etish imkoniyatlarini aniqlashdir.

Ushbu maqola ichki ishlar organlarining faoliyatida fuqarolarning huquq va erkinliklarini hurmat qilish masalalarini xorijiy tajriba asosida ko‘rib chiqadi. Xalqaro standartlar, jumladan, BMTning Inson huquqlari bo‘yicha umumiy deklaratsiyasi, Huquq-tartibot xodimlari uchun xulq-atvor kodeksi va Yevropa Kengashining Politsiya etikasi kodeksi tahlil qilinadi. AQSH, Yevropa Ittifoqi, Janubiy Afrika va boshqa mamlakatlardagi politsiya islohotlari misolida fuqarolar huquqlarini himoya qilish amaliyotlari o‘rganiladi. Maqsad – ichki ishlar organlari faoliyatida inson huquqlarining ustuvorligini ta’minlash va jamiyat ishonchini oshirish.

maqolada “Imnamak” ozuqaviy qoʻshimchasini gunajinlar ratsioniga qo‘shib ijobiy natijalar olingan. Tajriba Samarqand viloyati Pastdarg‘om tumanida joylashgan “K-Eldor” fermer xo‘jaligidagi golshtin zotli g‘unajinlarda olib borilgan. Tajriba natijasida qoramollarning tana o‘lchamlari hamda tana indekslariga bo‘yicha tajriba guruhidagi g‘unajinlar nazorat guruhidagi g‘unajinlarga nisbatan ustunlik qilganligi to‘g‘risida  ma’lumotlar keltirilgan.

Maqolada qattiq bug‘doy genetikasi, seleksiyasi va urug‘chiligi laboratoriyasining lalmikor maydondagi tajriba dalasida qattiq bug‘doyning fakul‘tativ kuzgi xalqaro dastlabki nav sinash tajriba maydonidagi nav namunalarining mahsuldorlik ko‘rsatkichlarini baholash natijalari bo‘yicha olib borilgan ilmiy-tadqiqot natijalari keltirilgan. Tadqiqot natijalariga ko‘ra qattiq bug‘doyning mahsuldorlik ko‘rsatkichlari yuqori bo‘glan namunalari tanlab olingan.

Ushbu maqolada O‘zbekiston Respublikasida oilaviy zo‘ravonlikka qarshi huquqiy himoya mexanizmlarining amaldagi holati xalqaro tajriba bilan qiyoslab tahlil qilingan. JSST, CEDAW kabi xalqaro hujjatlar asosida oilaviy zo‘ravonlikning jismoniy, ruhiy, iqtisodiy va jinsiy shakllari huquqiy jihatdan tahlil etiladi. 2019-yilda qabul qilingan “Ayollarni tazyiq va zo‘ravonlikdan himoya qilish to‘g‘risida”gi Qonun hamda “Himoya orderi” institutining amaliy samaradorligi baholanadi. Mazkur institutni qo‘llashda uchrayotgan muammolar, xususan orderni ijro etishdagi kechikishlar, uning bekor qilinishi jarayonidagi tashqi bosim ehtimoli va jabrlanuvchining erkin roziligi masalalari yoritigan

Ushbu maqola O'zbekistonda davlat va xususiy sheriklik (DXSh) loyihalarini boshqarishning innovatsion mexanizmlari va ularni xalqaro tajriba asosida joriy etish istiqbollarini tahlil qiladi. Tadqiqot adabiyotlar tahlili va mavjud ma'lumotlar asosida DXSh loyihalarini samarali boshqarish uchun zarur bo'lgan institutsional, huquqiy va iqtisodiy mexanizmlarni ko'rib chiqadi. Maqolada O'zbekistonda DXSh loyihalarini amalga oshirishning joriy holati hamda xalqaro ilg'or tajribalardan foydalanish orqali ushbu sohani rivojlantirish imkoniyatlari muhokama qilinadi.

Bugungi kundagi jamiyatda nafaqat insonlarning balki yon-atrofimizda yashayotgan yana bir tirik mavjudotlar ya’ni hayvonlarning huquqlarini himoya qilish dolzarb masalalardan biridir.Ushbu maqolada O’zbekiston Respublikasida hayvonlar huquqlarini himoya qilish bilan bog’liq masalaning qonunchilik va amaliyotdagi muammolari hamda bu boradagi milliy va xorijiy tajriba muhokama qilinadi.

Ushbu ishda quvurdagi turbulent oqim uchun ishqalanish koeffitsenti λ ning Reynolds soni (Re) ga bog‘liq holda o‘zgarishi tajriba natijalari va sonli modellashtirish orqali solishtirildi. 400–1∙10⁶ oralig‘idagi Reynolds sonlari uchun lg(100λ) qiymatlari, tajriba nuqtalari va sonli model egri chizig‘i olingan. O‘tish rejimida sezilarli tafovutlar kuzatildi, yuqori Reynolds sonlarida esa natijalar mosligi kuchaydi. Nisbiy xatolikning Re oshishi bilan kamayishi sonli modelning turbulent rejimda yuqori aniqlikda ishlashini ko‘rsatdi. Tadqiqot ishqalanish koeffitsentini aniqlashda sonli usullarning qo‘llanish imkoniyatlarini baholashga yordam beradi.

Maqolada sun’iy intellekt (SI) texnologiyalarini huquqiy tartibga solish bo‘yicha xalqaro tajriba va modellar tahlil qilinadi. SIning tez rivojlanishi bilan bog‘liq etik, huquqiy va ijtimoiy muammolar, shuningdek, ularni yechish yo‘llari ko‘rib chiqiladi. AQSH, Yevropa Ittifoqi, Xitoy va boshqa davlatlarning qonunchilik tashabbuslari, xususan, ma’lumotlar xavfsizligi, algoritmik shaffoflik va mas’uliyat masalalariga e’tibor qaratiladi. Xalqaro hamkorlikning ahamiyati va global standartlarni shakllantirish zarurati ta’kidlanadi. O‘zbekistonda SIni tartibga solish bo‘yicha takliflar ishlab chiqiladi.

Nutq  rivojlanishi  va  mantiqiy  fikrlash  o'rtasida  chambarchas  bog'liqlik mavjud;mantiqiy  fikrlash  nutqni  aniq  va  izchil  ifodalashga  yordam  bersa,  nutq  esa  mantiqiy fikrlashni  shakllantiradi.Bu  o'zaro  ta'sir  "lingvistik  kompetensiya"  deb  ataladi,  bu  shaxsning tilni tushunish va undan samarali foydalanish qobiliyatini anglatadi. Nutqiy  tajriba  ona  tilini  amaliy  bilish,  oilada,  koʻcha-koʻyda,  jamoat  joylarida boshqalardan  eshitish  orqali  maydonga  keladi.  Imo-ishora,  mimika  singari  paralingvistik vositalar ham nutqiy tajriba asosida oʻzlashtiriladi. Nutqiy kompetensiya nutqiy tajriba va til haqidagi  bilim  munosabati  bir  butunligi  asosida  shakllanadi.  Shunday  ekan,  oʻqituvchi oʻquvchilarning nutqiy kompetensiyasini shakllantirish jarayonida bu ikki tomonning oʻzaro munosabatini   hisobga   olishi   katta   ahamiyatga   ega.

Ushbu maqola O‘zbekiston Respublikasida ichki ishlar organlari (IIO) fuqarolarning huquq va erkinliklarini hurmat qilishdagi rolini, xorijiy tajriba (AQSH, Yaponiya, Janubiy Koreya) asosida amaliy yondashuvlarni tahlil qilishga bag‘ishlangan. Maqolada IIO faoliyatining tashkiliy va huquqiy asoslari, O‘zbekiston Respublikasi Konstitutsiyasi (18-modda) va “Ichki ishlar organlari to‘g‘risida”gi Qonunga asoslanib ko‘rib chiqiladi. Fuqarolarning huquq va erkinliklarini himoya qilishda mahalla huquq-tartibot maskani, shaffoflik va raqamli texnologiyalarning roli tahlil qilinadi.

Mazkur maqolada katta hajmdagi ma`lumotlar(Big Data)haqidagi  ilmiy-nazariy tavsiflar tahlil qilinadi. Uni huquqiy tartibga solishning  milliy va xorijiy qonunchilikdagi asosi  qiyosiy-tahliliy tavsiflanadi.  Raqamli huquq sohasida Big Dataning  o`rni ilmiy va huquqiy jihatdan o`rganiladi.

Farg‘ona viloyati tuproq-iqlim sharoitiga mos bo‘lgan kasallik, zararkunandalarga chidamli, yuqori don beruvchi kuzgi bug‘doy navlarini ilmiy asosda tanlab olish bo‘yicha olib borilgan tadqiqotlar natijalari bayon etilgan.

Mazkur maqolada ayollar sportidagi tenglik masalasi, uning tarixiy shakllanishi, hozirgi zamon global muammolari va rivojlanish tendensiyalari tahlil qilinadi. Dunyo miqyosida ayollar sporti ijtimoiy, iqtisodiy hamda madaniy omillar bilan chambarchas bog‘liq ekani ko‘rsatib o‘tiladi. Maqolada xalqaro tajriba asosida ayollar sportiga bo‘lgan munosabat, teng imkoniyatlar yaratish siyosati va sportdagi gender tenglikni ta’minlash mexanizmlari nazariy jihatdan yoritiladi. Shuningdek, O‘zbekiston sport tizimidagi ayollar faoliyatining o‘sish sur’atlari va mavjud to‘siqlar haqida ham fikr yuritiladi.

Tarixiy tajriba asosida yosh avlod qalbida Vatanga sadoqat, jasorat, fidoyilik tuyg‘ularini shakllantirishning samarali usullari ko‘rib chiqiladi. Shuningdek, bugungi kunda ta’lim muassasalari, oilalar va jamoatchilik tomonidan amalga oshirilayotgan zamonaviy tarbiyaviy yondashuvlar haqida fikr yuritiladi.

Maqolada oliy ta’lim muassasalarida akademik yozuvni o‘qitishda qo‘llanilayotgan zamonaviy pedagogik texnologiyalar tahlil qilinadi. Xorijiy tajriba asosida raqamli platformalar, interaktiv usullar va sun’iy intellektning ta’lim jarayoniga integratsiyasi yoritiladi. Talabalarda tanqidiy fikrlash, akademik savodxonlik va tadqiqot ko‘nikmalarini rivojlantirishdagi o‘rni ko‘rsatib beriladi. Innovatsion yondashuvlarning afzalliklari hamda ularni joriy etishda yuzaga keladigan muammolar ko‘rib chiqiladi.

Ushbu maqola O'zbekiston Respublikasi Prezidentining zargarlik sanoatini davlat tomonidan qo'llab-quvvatlash bo'yicha qabul qilingan qarorining mazmuni va bu borada xalqaro tajriba yutuqlari bilan taqqoslashiga bag'ishlangan. Tadqiqot zargarlik sanoatini rivojlantirishning asosiy yo'nalishini o'rganadi: ishlab chiqarishni, bozor amaliyoti, zamonaviy texnologiyalar va kadrlar malakasini oshirish.

Ushbu maqoladа o‘zbek leksemasining assotsiativ ma’no xususiyati ochib berildi. O‘zbek tili egalari ustida o‘tkazilgan assotsiativ tajriba asosida ushbu so‘zning  lug‘aviy va assotsiativ ma’nolariga tavsif berildi. Assotsiativ tajriba asosida so‘z ma’nolarining til egalari assotsiatsiyalarida voqelanishi dalillandi.

Ushbu maqolada boshlang‘ich sinflarda ona tili darslarini o‘qitishda xalqaro tajriba va innovatsion yondashuvlardan foydalanish masalalari tahlil qilinadi. Dunyodagi ilg‘or ta’lim tizimlarida qo‘llanilayotgan usullar, interfaol metodlar, texnologik vositalar va integrativ yondashuvlar o‘rganiladi. Shuningdek, innovatsion pedagogik texnologiyalar, jumladan, STEAM, CLIL, kommunikativ va lingvodidaktik metodlarning ona tili darslarida samaradorligi yoritiladi. Maqolada ta’lim sifati va o‘quvchilarning savodxonligini oshirishga qaratilgan zamonaviy yondashuvlarning ahamiyati asoslab beriladi.

Mazkur maqolada huquqiy taʼlimning ahamiyati, oilaviy zoʻravonlikka qarshi kurashning samaradorligini oshirish yoʻllari hamda ushbu muammolar yechimiga qaratilgan xalqaro va milliy tajriba asosida olib borilgan tadqiqotlar tahlil qilinadi. Shu bilan birga, jamiyatda huquqiy savodxonlikni oshirish va oilaviy muhitda sogʻlom ijtimoiy munosabatlarni shakllantirish boʻyicha amaliy tavsiyalar ham bayon etiladi.

Maqolada O‘zbekistonda qishloq xo‘jaligi sohasida davlat nazoratining huquqiy asoslari xalqaro tajriba bilan solishtirgan holda tahlil qilingan. Jahon Savdo Tashkilotining SPS bitimi, Yevropa Ittifoqi va AQShdagi nazorat modellari misolida xatarga asoslangan yondashuvning afzalliklari yoritiladi. Tadqiqotda O‘zbekiston nazorat tizimining institutsional fragmentatsiyasi va preskriptiv yondashuvining samaradorlikka ta’siri ko‘rsatilib, uni raqamlashtirish va yagona platforma orqali integratsiya qilish zarurligi asoslanadi. Xulosa qismida agrar sohada Risk-Based yondashuvni joriy etish, vakolatlarni uyg‘unlashtirish va xalqaro standartlarga mos huquqiy zamin yaratish bo‘yicha takliflar berilgan.

Ushbu maqola xizmat ko‘rsatish jarayonida mijozning faol ishtirokini nazariy jihatdan o‘rganadi hamda turizm va no-turizm sohalarida qiymat yaratish  jarayonining qo‘shma (co-creation) modeli orqali tahlilini taqdim etadi. So‘nggi yillarda tajriba iqtisodiyoti (experience economy) sharoitida mijozlar endi passiv iste’molchi emas, balki xizmat sifatining faol hamyaratuvchisiga aylanmoqda. Shu nuqtai nazardan, maqolada xizmat dizayni, mijoz ishtiroki, tajriba qiymati va xizmat jarayonida hissiy hamkorlik tushunchalari nazariy asosda ko‘rib chiqiladi. Tadqiqot natijalari shuni ko‘rsatadiki, qo‘shma yaratuvchanlik modeli nafaqat turizmda, balki sog‘liqni saqlash, ta’lim, moliya va chakana savdo kabi boshqa xizmat tarmoqlarida ham raqobat ustunligini ta’minlashda muhim omil hisoblanadi.

Mazkur maqolada ijtimoiy inklyuziya va ta’lim integratsiyasi tushunchalarining o‘zaro bog‘liqligi ilmiy-nazariy va amaliy asosda tahlil qilingan. Ijtimoiy inklyuziya – jamiyatdagi barcha qatlamlarning, ayniqsa imkoniyati cheklangan shaxslarning ijtimoiy hayotga jalb etilishini ta’minlashga yo‘naltirilgan jarayon bo‘lsa, ta’lim integratsiyasi esa bu jarayonning amaliy ifodasi sifatida maxsus ehtiyojli o‘quvchilarni umumiy o‘quv tizimiga qo‘shishni ko‘zda tutadi. Maqolada xalqaro va milliy tajriba misolida integratsiyalashgan ta’limning ijtimoiy inklyuziyaga ta’siri, mavjud muammolar va zamonaviy yondashuvlar keng yoritilgan. Shuningdek, O‘zbekistonda ushbu yo‘nalishning rivojlanish istiqbollari va amalga oshirish mexanizmlari haqida tavsiyalar berilgan.

Mazkur maqolada O‘zbekiston Respublikasidagi davlat boshqaruvida manfaatlar to‘qnashuvi va korrupsiyaning oldini olish masalalari tahlil qilinadi. Maqolada manfaatlar to‘qnashuvi tushunchasi, uning huquqiy tabiati, xalqaro tajribalar va O‘zbekistonning amaldagi huquqiy tizimi o‘rganiladi. Bunda, korrupsiya va manfaatlar to‘qnashuvi jamiyatda tengsizlik, o‘zaro nizolarni keltirib chiqarishi, davlat boshqaruvidagi ishonchsizlikni kuchaytirishi mumkinligi ta’kidlanadi. Shu sababli, davlat boshqaruvini shaffoflashtirish, korrupsiyaga qarshi kurashishning samarali mexanizmlarini ishlab chiqish, davlat xizmatchilarining huquqiy savodxonligini oshirish, normativ-huquqiy hujjatlarni takomillashtirish zarurligi qayd etilgan. Maqolada xalqaro tajriba va amaliyotda olingan o‘rganishlar, shuningdek, manfaatlar to‘qnashuvi va korrupsiyaga qarshi kurashishda yuzaga kelgan muammolar va ularni bartaraf etish uchun takliflar keltirilgan.